Tir final 2022

Tir final 2022

E schon ei la sesiun puspei vargada.
La dumengia, ils 09.10.2022, havein passentau in bi ed emperneivel suentermiezdi e senza accidents ni incaps a Pardiala. Igl ei vegniu sittau massa siets cun buis e pistolas.

La qualificaziun da buis han 15 tiradurs cun resultats da 163 puncts - 196 puncts sittau. El miez final ha ei dau enqual surpresa da favorits ed entscheviders. Auter che Roman cun 103.4 puncts ed Anja sco era Stefan cun mintgamai 102.0 puncts, eis ei buca vegniu sittau fetg ault.

Il final da buis ha Anja entschiet, tratg atras e serrau giu suveran cun 1.8 puncts avantatg. Suenter il 20avel siet era aunc bu clar tgi che survegn argen ni bronz. Cun tuttina bia puncts han Stefan e Nadja giu da batter entochen il davos siet.

La finfinala ha Anja gudignau cun 245.6 puncts, avon Nadja cun 243.8 puncts e Stefan cun 223.8 puncts.

Cumbinaziun buis / pistola

La victoria dalla cumbinaziun da buis e pistola ei ida a nies president anteriur Ivan cun total 191 puncts (buis 96 puncts / pistola 95 puncts). Medemamein 191 puncts ha Placi contonschiu (buis 98 puncts / pistola 93 puncts ), sia 2. passa da pistola era denton mo 46 puncts (Ivan 49 puncts). Era il 3. plaz ha la 2. passa da pistola (46 puncts encunter 43 puncts) decidiu. Anja e Corsin D. han omisdus contonschiu 188 puncts. Anja cun 96 puncts buis e 92 puncts pistola. Corsin cun 100 puncts buis ed 88 puncts pistola.

Rangaziun annuala

Avon il tir final menava Corsin D. cun total 1277 puncts avon Remo cun 1276 puncts.

Remo ha cun bials 197 puncts pudiu midar la rangaziun annuala ed ei aschia victur cun 2 puncts avantatg (total 1473 puncts) avon Corsin Derungs (total 1471 puncts).

Il 3. plaz va ad Anja cun 1463 puncts -1 punct avantatg avon Nadja cun 1462 puncts.

Cordiala gratulaziun a tuts ed in bien start ella sesiun d’unviern !

Nc / 14.10.2022