Tir primavaun 2022

Il siet da partenza ei daus!

Ils 10.04.2022 allas 13:30 h essan nus sentupai a Pardiala per nies tir primavaun annual. Uonn cun ina nova suprastonza... Paul Cahenzli sco niev president ed Eric de Groot sco niev actuar. Engraziel fetg per l’organisaziun.

Cun intec ina curios’aura, denton bu mendra luna havein sittau qualificaziun, miez final e final. Tgei cletg cun saver sescaldar ell’ustria.

En la qualificaziun han las dunnas mussau tgei ch’ellas san. Yvonne cun fetg bials 197 puncts, Anja cun 194 puncts e Nadja cun 193 puncts. Medemamein 193 puncts ha nies entschevider Stefan contonschiu. Bravo!

Ils finalists (Yvonne, Arno, Corsin C., Corsin D., Placi, Nadja) han giu da morder. Per Corsin C. era il temps memia cuorts e per tschels intec memia liungs. La fin finala ha Corsin D. gudignau cun 243.3 puncts, avon Placi cun 240.9 puncts ed Yvonne cun 219.0 puncts. Cordiala gratulaziun! :-)

Las gliestas da rangaziun anfleis sut: Resultate& > Resultate 2022